Tómlist

Flestir sem þekkja Heyðingjann vita nú að Tónlist er stór partur af honum og hans lífi. Það sem er skemmtilegt við tónlist er að það eru allir með góðan tónlistarsmekk, það er erfitt að viðurkenna tónlist annarra, t.d úntja úntja tónlist. Allavega er ég ennþá í dag að leita að þeirri manneskju sem segist vera með lélegan tónlistarsmekk, væri gaman að tala við hann/hana um tónlist.

Það er líka skemmtileg tilhugsun hvað maður treður tónlistarsmekk sínum uppá aðra, t.d:
Veistu hver ______________ er? Þú verður að tjekka á því, það er frábært.
Sem er alveg gott og gilt þegar maður uppgötvar eitthvað nýtt, en í svona 99% tilfella tjekka ég ekki á því sem mér er sagt að tjekka á því, vegna þess að annað hvort:
A. Við töluðum um tónlist full/ir og ég man ekkert hvað hljómsveitin heitir.
B. Ég stórefa að við fílum sömu hlutina.
C. Mér finnst manneskjan leiðinleg og hef ekki áhuga á að hafa sama tónlistarsmekk og leiðinleg manneskja.

En sem betur fer er til milljón mismunandi tegundir af tónlist í dag og ég segi bara skál við því.

Ef þið vitið um eitthvað sem þið haldið að ég fíli endilega látið í ykkur heyra því ég er alltaf opinn.....næstum alltaf.

Þessa dagana er bara ein hljómsveit hjá mér, The Arcade Fire með nýja diskinn sinn Neon Bible, hann er með þeim betri sem ég hef heyrt, öll lögin eru góð. Ef ég byrja að tala um eitthvað lag við vini mína sem fíla hann líka, þá byrjum við að tala um amk 4-5 önnur lög.

Heyðinginn kveður

Franslandsfarandiferðalangar

Á miðvikudaginn var heyðinginn voða grand á því og bauð Þursanum til Parísar.

Við gistum hjá vinkonu Þursans, henni Sodda (Snjólaugu). Komum eldhress klukkan hálf tíu um morguninn við hressar móttökur frá Sodda. Hentum helvítis töskurusladrasli af okkur og fórum á verslunargötuna að skoða. Heyðinginn hélt uppteknum hætti í lífinu og fékk sér bjór þegar það var sest á kaffihús, Þursarusl og Soddarusl fengu sér kaffi....síðan hálfa hvítvínsflösku. góður bjór þangað til að ég leit á reikninginn.BJÓRINN KOSTAÐI 9 EVRUR!!!!! fyrir ykkur sem er ekki eins heimsvanir og Heyðinginn þá er það umþ 800 Krónur.

Skoðuðum síðan mýrina (samkynhneigða hverfið) og gerðum eitthvað sniðugt.

Fimmtudagurinn var tekinn í túristafíling. Louvre er flott safn og frekar stórt EN...ég fíla ekki öll þessi málverk um trúnna og þeim sem því tengist. Sá náttla Monu Lisu og svo var eitthvað annað flott málverk þarna þar sem tveir gamlir perrar eru að reyna nauðga einhverri Súsönnu, hún var víst alveg að biðja um það. Venus de Milo var náttla sexy einsog allir vita, annars var þetta bara flott og gott.
Sigurboginn var næstur á dagskrá og ég RÚSTAÐI honum, hann var flottur og góður en átti ekkert í mig. við sátum og horfðum á hann í smástund þegar Þursinn kom með þá skemmtilegu spurningu:
Þursi: Eru þetta kuðungar á trjánum??
Heyðinn hló og sagði nei, en vissi samt sem áður ekki hvað þetta væri bara eitthvað hangandi dras á trénu. En kuðungar voru þetta ekki.
Síðan datt Þursinn hreinlega bara í það og auðvitað var Heyðinginn og Soddinn ekki langt á eftir. Löbbbuðum sppá Montmartre sem er flott kirkja með fólki sem nýtir sér heimska túrista, það vorum við ekki. við kunnum á öll lúmsku brögðinn sem þeir reyna og rúmlega það. samt flott útsýni frá kirkjunni yfir borgina á kvöldin.

Föstudagurinn var hressandi, byrjuðum á Eiffel turninum og það tók sinn tíma en mjög flott útsýni og bara mega nett eitthvað. síðan Keypti heyðinginn sér buxur með gítarnaglarvasa, hversu töff er það, nú get ég talað við 15 ára stelpur fullur sjálfstrausts í þeirri lygi að ég sé í hljómsveit!! og við fórum á þvílíkt kojufyllerí. Sögur herma að Heyðinginn hafi verið í hálftíma að klæða sig úr nýju fínu buxunum og datt tvisvar á leiðinni á klósettið.

Á laugardaginn var bara semi rólegt, fórum í H&M sem var ógeðslegt og allt var troðið allstaðar í kringum það. síðan var sest á kaffihús og ég fékk mér ommilettu sem var ógó góð. Við gerðum okkur reddí til að fara í eitthvað tískulistapartí og ég sló í gegn hjá þeim sem muna eftir mér ennþá núna. Getta (Erna Bergmann) var partíhaldarinn ásamt 6 öðrum kvensufyrirbærum...hressandi fólk þar á ferð, Takk fyrir mig stelpur og Getta.

Sunnudagurinn var samloka og sofandi að pakka, ferðast og koma heim til að miðla reynslu minni til mín.

Heyðinginn Kveður

Happy mondays

Mánudagur er oft sunnudagsþynnka....sunnudögum er maður þunnur og sér eftir því að hafa drukkið of mikið, og borðar drasl mat og myglar í sófa..oft þarf mánudag til að sjá eftir þeim sunnudegi.

En þetta er ekki tilfellið hjá Heyðingjanum og Þursaruslinu, ég segi það því hún dottar hérna við hliðina á mér. En á föstudaginn fórum við í rólegan bjór sem endaði með ofurölvun og Trivial Pursuit í Finsbury Park, Þursinn fór heim snemma útaf veikindum. Á laugardaginn vorum við dugleg...

Ég á við það vandamál að stríða að ég get ekki farið í göngutúr ef það er engin stefna...Þursinn vildi fara í göngutúr á laugardaginn....
Heyðinginn: Ok, hvert eigum við að fara?
Þursinn: Bara í göngutúr
Heyðinginn: Til hvers? getum við ekki allavega sagt að við séum að fara niðrí bæ og kaupa okkur ís og labbað til baka?

Við enduðum á því að labba í 8 mínútur til Marks og Spencer í hverfinu og kaupa í matinn og svo heim aftur. Það eiga allir við sína einhverfu að stríða.

Sunnudagurinn fór í það að skoða 60´s föt í V&A Museum, þar föttuðum við að þessi tími átti betur við okkur, vera rúmlega tvítugur 1969...það er draumurinn.
Eftir það var stefnan sett á Harrods, höfðum aldrei farið inní Harrods áður, flott verslun en ekkert sniðugt að segja frá henni.
við komum heim og Þursinn bakaði skinku og ostahorn, síðan varð skinkan búinn og Heyðinginn stakk uppá ananas...miklu betra en upprunalega draslið sem er bara old news í dag.

Ég býst við tíðindalitlum dögum framundan...engin fóbolti, engin vinna, enginn skóli, bara framtíðarhugsanir og þannig.

Hvernig ætli það sé að vinna sem uppfinningarmaður? Dagurinn er pottþétt geðveikt skemmtilegur, og hvar er hægt að læra svoleiðis?
Ég myndi finna upp hugmyndarann!!!! Á leiðindar eftirmiðdegi um helgi eða fríviku eða eitthvað geturu spurt hugmyndarann: Ó vitri Heyðingi, (sem uppfinningin mun heita), hvað er hægt að gera í (borg) á þessum degi?
Hann mundi hugsa aðeins og sýna þér brot úr Family Guy á meðan og síðan: (í guðlegri rödd) Heimsku mannverur það er helling að gera, þið getið farið í dýragarðinn.
þá segið þið: en við eigum engan pening vitri Heyðingi.
Heyðingi: þá getiði tekið dýnuna af rúminu ykkar og rent ykkar niður stigaganginn á henni.

Allavega mundi ég kaupa þetta tæki!!

Úlfur Úlfur

Heyðinginn og Rósi fóru í leiðangur til Hammersmith, það var spenna í loftinu og í miðri ferð misstum við mann. Herði Loga verður sárt saknað...

Við stoppuðum á The Trout á leiðinni, þar komu Brynja og Magga til sögunnar, bjór var drukkin og Þursinn mætti stuttu seinna. Því næst gengum við inn og fengum okkur annan öl.

Við fengum okkur sæti og þá byrjuðu Wolfmother að spila::::::::::::::::


Eitt af fyrri lögum þeirra þetta kveld: Where Eagles have been


Þetta var síðasta lagið þeirra: Colossal God


Þetta var megasúperbónuslag: Communication Breakdown (Led Zeppelin cover)


Þetta voru vægast sagt magnaðir tónleikar...komu mjög mikið á óvart.
Undanfarið hef ekki getað hugsað um annað en að ég sé að fara á Coachella að sjá Rage Against The Machine. En 5 mínútum fyrir tónleikana var kominn spenningur og þeir voru geðveikir. Ef þið hafið séns að sjá þetta þá mæli ég með því!!!

Annars biður Heyðinginn að heilsa...

Það sem aldrei var

Superbowl er í gangi og ég hef ekkert að segja um það.

Heyðinginn og Rósi(Steini) eru komnir með þemu hérna í London....á hverjum degi um fimmleytið segjum við "förum í Camden á morgun bara".
Þorrablótið var rosa fínt og við drukkum öl með ekki ómerkilegri mönnum en Robba Chronic, rap guð íslands, hann kom vel á óvart í hressleikanum. Rósi heillaði óvart 2 ára strák í stað tvítugar stelpu...hann fékk bækling um að vera Au Pair eftir það.

Laugardagurinn var öllu hressari, vöknuðum FYRIR hádegi og fórum á Gunmakers að horfa á fótbolta...Rósi fattaði að Visa stal peningonum hans og hann er blankur einsog Heyðinginn...EEEEEEEENNN kallarnar komu með plan!!!!!

við keyptum lottó miða......

fórum heim og reyndum að redda peningamálunum hans Rósa en það endaði með því að Rósamamma kom og bjargaði helginni fyrir öllum. Þannig að við drukkum smá bjór heima og Heyðinginn rústaði Rósa í Fifa.
Það var dregið í lottói klukkan átta, potturinn var 7,7m pund sem er tæpur milljarður þannig að við ákvaðum að skipta þessu 50-50 ef annar hvor vinnur. Auðvitað byrjuðum við svo að eyða ófengnum pening og það var mjög gaman....á einhvern furðulæegan hátt reiknuðum við að vinningslíkurnar okkar væru 1 á móti 3. Við keyptum 5 línur hvor og svo erum við tveir í þokkabót, upphaflega voru líkurnar 1 á móti 14milljónum. Segið svo að stærðfræði sé tilgangslaus.

VIÐ UNNUM Í LOTTÓI!!!! OG EYDDUM ÖLLU Í BJÓR Á HVERFISBARNUM. Tíu pundinn voru fljót að fara. miði Heyðingjans var með 3 rétta.

borðuðum á Wagamama sem var gott. fórum síðan á The Reliance og drukkum bjór með skotum þar sem einn var kýldur til blóðs af vinkonu sinni.
Þursanum var meinaður aðgangur þar sem hún fór heim á milli Wagamama og The Reliance að skipta um bol og þá hættu þeir að hleypa inn þegar hún kom. Þursinn fór að sofa.
Rósi kom þeirri sögu af stað hann sé trommarinn í Sigur Rós sem veitti aðdáunar einnar dömu og hún bað okkur að koma með þeim á einhvern Electro stað í Kings Cross.

Rósi fékk að ráða og ákvað að skella sér, við hinsvegar biðum eftir Miro og fórum svo, þannig að við þurftum að hitta þau á staðnum. Við mættum svo með glósticks og glimmer og viti menn...þetta er stærsti staður í London, við hittum heilladísina hans Rósa aldrei og enduðum í Jungle herbergi staðsins.

Einhvernveginn komumst við heim í strætó og Heyðinginn rústaði Rósa í Fifa áður enn þeir sofnuðu.

Gerðum ekki rassgat í dag!

Lottóvinningsheyðinginn kveður í bili
Helgi

Things to do in London

Það er föstudagur og Steini kom í heimsókn í gær, í London er hægt að gera ýmislegt.
Það er hægt að fara í Camden town, fara niðrí bæ, Big ben, London Eye, Imax 3D, skoða nýja Arsenal völlinn.

Steini kom semsagt í gær og við fórum í matarboð hjá Yoko fyrrverandi bekkjasystur minni, og ég skildi Þursann eftir heima. Það komu 3 úr bekknum, kennarinn og svo ég og Steini....svo var reyndar Yuki meðleigjandi Yoko þarna. Við duttum hressilega í það, hlustum á Fake Plastic Trees 3x á korteri og ég var ber að ofan á tímabili.
Þursinn leigði sér Lindsay Lohan mynd með systur Heyðingjans, mér, og borðaði endalaust nammi, það var víst rosa gaman líka.

Við fórum frammúr klukkan 15 í dag og gerðum ekkert að ofantöldu, það var ekkert plan heldur. núna horfum við á Anchorman í 8. skiptið og borðum pizzu....frumlegt og gott frí fyrir Steina. En ég held að hann sé alveg sáttur.

Í kvöld gerum við ekkert af þessu, nema kannski að bjórinnn leiði okkur til Camden Town.
Steini er sofnaður.........af ég væri ekki heima hjá mér myndi ég klína pizzu sneið framan í hann og hlægja duglega. HAHAHAHA

UPPFÆRT---við förum í þorramat í kvöld, allt að gerast meðan maður reynir að nördast á netinu. Mig grunar sterklega að það verður drukkið í kvöld og þá er ég ekki að meina léttmjólk.

ég ætla að halda áfram að skemmta gestinum mínum og gera mig sætan fyrir kvöldið.

Kveð
Heyðinginn